التخصص

العلاج بالقبول والالتزام - الموجة التالتة من العلاج المعرفي السلوكي - هو المحرك الأساسي لشغلنا سوا عشان نوصل للمرونة النفسية الحقيقية. بدل ما نضيع طاقتنا في "معافرة" و محاولات مجهدة عشان نخلص من الأفكار أو المشاعر السلبية، بنشتغل إننا نقلل سيطرتها على سلوكك؛ عشان تقدر في الآخر تتعامل بفاعلية مع أي صراع داخلي. ومن خلال تعلم كيفية التوجه نحو قيمك، بنضمن إن أفعالك اليومية تكون نابعة من اختيارك الواعي، مش مجرد رد فعل للي بتحس بيه.. في محاولة للوصول لحياة متزنة، و قيمة

من خلال ادراج الجانب العصبي في العلاج، بنستعين بأحدث أبحاث علم النفس العصبي في جلستنا، وده بيتم عن طريق فهم مبسط ومبني على طبيعة دماغك علميا. بدل ما بنبص على تصرفاتنا ومشاعرنا كأنها مجرد حاجات بتحصلنا، إحنا بنبني وعي حقيقي على الأساس البيولوجي والتركيبة الفريدة لدماغ كل واحد فينا. لما بتفهم "ليه" دماغك بتتعامل مع التوتر أو التركيز أو المشاعر بالطريقة دي، بيبقى عندك الرؤية الواضحة اللي تساعدك تدير عالمك الداخلي بفاعلية أكبر؛ ده طريق قايم على فهم العلم العصبي، عشان توصل لحياة فيها وعي و وقدرة حقيقية على الاختيار